ՀՀ Նախագահը Էդվարդ Նալբանդյանին եւ Սեյրան Օհանյանին վերանշանակեց իրենց պաշտոններում
15:13, 15 Ապրիլ 2014
ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: ՀՀ Նախագահ Սերժ Սարգսյանի հրամանագրով Էդվարդ Նալբանդյանը նշանակվել է Հայաստանի Հանրապետության արտաքին գործերի նախարար: Ինչպես «Արմենպրես»-ին տեղեկացրին ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչությունից, Նախագահի մեկ այլ հրամանագրով Սեյրան Օհանյանը նշանակվել է Հայաստանի Հանրապետության պաշտպանության նախարար: Հրամանագրերը ՀՀ Նախագահն ստորագրել է ապրիլի 15-ին:
Բաժանորդագրվեք մեր ալիքին Telegram-ում