Թուրքական կայքը Արցախը ներկայացրել է որպես անկախ հանրապետություն
18:43, 11 Ապրիլ 2014
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: Թուրքիայում ցուցահանդեսների կազմակերպմամբ եւ զբոսաշրջության հարցերով զբաղվող Fuarsepeti.com կայքը Արցախը ներկայացրել է որպես անկախ պետություն:
Ինչպես հաղորդում է «Արմենպրես»-ը, թուրքական կայքում Լեռնային Ղարաբաղի Հանրապետությունը ներկայացված է առաձին դրոշով եւ դրամական միավորով: Կայքի «Երկրներ» բաժնում Արցախի Հանրապետության մասին նշված է, որ երկրի պետական լեզուն հայերենն է, բնակչությունը` 138 հազար, տարածքը` 4,4 հազար քառ.կմ, դրամական միավորը` հայկական դրամ:
Նշվում է, որ Լեռնային Ղարաբաղի Հանրապետությունը անվանում են նաեւ Արցախի Հանրապետություն, եւ որ այն թեկուզ իրավական առումով Ադրբեջանի «մաս» է, սակայն, փաստացի անկախ պետություն է:
Բաժանորդագրվեք մեր ալիքին Telegram-ում