Արոնյանը կիսեց միավորը Տոպալովի հետ. հավակնորդների մրցաշար
17:35, 25 Մարտ 2014
ԵՐԵՎԱՆ, 25 ՄԱՐՏԻ, ԱՐՄԵՆՊՐԵՍ: Շախմատի աշխարհի չեմպիոնի տիտղոսի հավակնորդների մրցաշարի 10-րդ տուրում Հայաստանի ուժեղագույն շախմատիստ Լևոն Արոնյանը ոչ-ոքի խաղաց Վեսելին Տոպալովի հետ: Գրոսմայստերները կատարեցին 45 քայլ: Այժմ Արոնյանն ունի 5,5 միավոր, մրցաշարի առաջատար Անանդն ունի 6,5 միավոր::
Մյուս պարտիաներում միավորները կիսեցին` Սերգեյ Կարյակին-Դմիտրի Անդրեյկին և Վիշվանաթան Անանդ-Շախրիյար Մամեդյարով զույգերը: Անակնկալ պարտություն կրեց Վլադիմիր Կրամնիկը, ով զիջեց Պյոտոր Սվիդլերին:
Հաջորդ տուրում Արոնյանը կմրցի Պյոտոր Սվիդլերի հետ: Մյուս զույգերն են` Դմիտրի Անդրեյկին-Շախրիյար Մամեդյարով, Վեսելին Տոպալով-Սերգեյ Կարյակին, Վլադիմիր Կրամնիկ-Վիշվանաթան Անանդ:
Բաժանորդագրվեք մեր ալիքին Telegram-ում