ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Շախմատի Հայաստանի ֆեդերացիայի առաջին քարտուղար Սմբատ Լպուտյանի կարծիքով` շախմատային աշխարհը ցանկանում է տեսնել աշխարհի չեմպիոնության համար Արոնյան-Կարլսեն մրցապայքարը:

«Բնական է, որ միայն հաղթանակ ենք սպասում: Ինչպես հայ հասարակությունը, այնպես էլ ամբողջ աշխարհը ցանականում են տեսնել Արոնյան-Կալրսեն մրցապայքարը: Բոլորն են ցանկանում, որ Լևոնը հաղթի այս մրցաշարում: Այս ժամանակներն են դա պահանջում»,- «Արմենպրես»-ի հաղորդմամբ` լրագրողների հետ հանդիպման ժամանակ նման կարծիք հայտնեց Լպուտյանը:

Շախմատի հավակորդների մրցաշարի առաջին տուրում Հայաստանի ուժեղագույն շախմատիստ Լևոն Արոնյանը այսօր զիջեց աշխարհի նախկին չեմպիոն Վիշվանաթան Անանդին: Արոնյանը խաղում էր սև խաղաքարերով:    

Վարվառա Հայրապետյան