Մխիթարյանի գոլը լավագույնն է Բունդեսլիգայի 20-րդ տուրում
14:48, 10 Փետրվար 2014
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Ֆուտբոլի Հայաստանի ազգային թիմի անդամ և Դորտմունդի «Բորուսիա»-ի կիսապաշտպան Հենրիխ Մխիթարյանի գոլը ճանաչվել է Բունդեսլիգայի 20-րդ տուրի լավագույն գնդակ: Մխիթարյանն այդ գոլը հեղինակել է «Վերդեր»-«Բորուսիա» խաղի ժամանակ: «Բորուսիա»-ն այդ խաղում հաղթեց 5-1 հաշվով: Մխիթարյանը և Լևանդովսկին դարձան երկուական գոլի հեղինակ: «Արմենպրես»-ի հաղորդմամբ, այս մասին գրում է Բունդեսլիգայի youtube կայքը:
Այդ հաղթանակից հետո «Բորուսիա»-ն հաստատվեց մրցաշարային աղյուսակի երրորդ հորիզոնականում:
Բաժանորդագրվեք մեր ալիքին Telegram-ում