ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ նախագահ Սերժ Սարգսյանը դիմել Է Հավաքական անվտանգության պայմանագրի կազմակերպության անդամ երկրներին՝ աջակցելու Հայաստանին Շանհայի համագործակցության կազմակերպությունում դիտորդի կարգավիճակ ստանալու հարցում: Ինչպես հաղորդում է «Արմենպրես»-ը՝ հղում անելով ԻՏԱՌ-ՏԱՍՍ-ին, Հայաստանի նախագահը հավաստել Է, որ հանրապետությունը շահագրգռված Է  կազմակերպության գործունեությամբ, որը, նրա գնահատմամբ, կարեւոր ավանդ Է ներդնում տարածաշրջանի անվտանգության ապահովման գործում: «Ակնկալում եմ ձեր աջակցությունն այդ հարցում»,-ասել Է նա՝ դիմելով միաժամանակ ՇՀԿ-ի եւ ՀԱՊԿ-ի մեջ մտնող պետությունների՝ Ռուսաստանի, Ղրղզստանի, Ղազախստանի, Տաջիկստանի ղեկավարներին:

Շանհայի համագործակցության կազմակերպության մեջ մտնում են՝ Ռուսաստանը, Ղրղզստանը, Ղազախստանը, Տաջիկստանը, Չինաստանը եւ Ուզբեկստանը: ՇՀԿ-ի դիտորդ երկրների թվում են՝ Աֆղանստանը, Իրանը, Մոնղոլիան, Հնդկաստանը եւ Պակիստանը: