ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Իսպանիայի Կատալոնիայի մարզի խորհրդարանը հավանություն Է տվել տարածքի ինքնիշխանության խորհրդանշական հռչակագրին՝ այդպիսով ճանապարհ բացելով Իսպանիայից անկախանալու հարցի շուրջ հանրաքվեի անցկացման համար, հաղորդում Է «Արմենպրես»-՝ը հղում անելով The Guardian-ին:

Հռչակագրի օգտին քվեարկել Է 85 պատգամավոր, դեմ՝ 41-ը, երկու խորհրդարանական ձեռնպահ Է մնացել:

Անկախությունը պաշտպանել են տարածաշրջանում կառավարող «Կոնվերգենցիա եւ Միություն» դաշինքը, ինչպես նաեւ Հանրապետական ձախ կուսակցությունը: Դեմ են արտահայտվել կատալոնացի սոցիալիստները եւ ամբողջ Իսպանիայում իշխող Ժողովրդական կուսակցությունը:

Հռչակագիրն ինքնին խորհրդանշական Է, սակայն, ինչպես սպասվում Է, այն կհանգեցնի Բարսելոնի եւ Մադրիդի կենտրոնական կառավարության միջեւ դիմակայության սրման: Վերջինը խոստացել Է արգելափակել անկախության վերաբերյալ Կատալոնիայի բոլոր նախաձեռնությունները:

Հասարակական կարծիքի հարցումները ցույց են տալիս, որ անկախության կողմնակից եւ հակառակորդ կատալոնացիների ձայները գրեթե հավասար են: Միեւնույն ժամանակ, եթե ինքնիշխանությունը հանգեցնի Եվրամիությունից դուրս գալուն, մարզի բնակիչները մտադիր չեն այն պաշտպանել:

Կատալոնիայում անջատողական տրամադրություններ եղել են դարեր շարունակ: Վերջին տարիներին Բարսելոնն ավելի ակտիվորեն Է հայտարարում Իսպանիայից անջատվելու հնարավորության մասին, ինչը կապված Է ֆինանսական ճգնաժամի հետ: Կատալոնիան երկրի առավել զարգացած մարզերից մեկն Է, որն արտադրում Է Իսպանիայի ՀՆԱ-ի 20 տոկոսը: Մինչդեռ, ինչպես եւ երկրի մյուս տարածքները, այն երկրի պարտքերի հետ կապված լուրջ դժվարություններ ունի: