«Սենդի» փոթորիկը Նյու Յորք կհասնի հենց ԱՄՆ-ի նախագահի ընտրությունների օրը
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Ավելի եւ ավելի ուժգնացող «Սենդի» փոթորիկը հասել է Կուբայի ափերին եւ Բահամյան կղզիներ, իսկ հիմա վտանգ կա, որ այն կհասնի Ամերիկայի Միացյալ Նահանգների ափեր: Ինչպես փոխանցում է «Արմենպրես»-ը` վկայակոչելով Euronews-ը, ռիսկի գոտում են հայտնվել Ֆլորիդան, այնուհետ նաեւ ԱՄՆ-ի Արեւելյան ափը, անգամ Նյու Յորքը եւ Նոր Անգլիան, որտեղ հավանաբար փոթորիկը կհասնի հենց նոյեմբերի 6-ին` նախագահական ընտրությունների օրը: ԱՄՆ-ում արդեն հաշվել են աղետի հնարավոր վնասի չափերը, որը չնայած նախապատրաստական բոլոր աշխատանքների, հնարավոր է հասնի միլիարդավոր դոլարների:
Փոթորկը դասվում է երկրորդ կարգի վտանգավոր տարերային աղետների շարքին: Դրա ժամանակ տեղի են ունենում հորդառատ անձրեւներ եւ սաստիկ ուժգին քամիներ:
Փոթորկի հետեւանքով ամենաշատ մարդիկ զոհվել են Կուբայում եւ Հայիթիում, որտեղ զոհերի թիվն անընդհատ աճում է: Շատ տեղերում բնակչությունը խուճապի է մատնվել:
Բաժանորդագրվեք մեր ալիքին Telegram-ում