Ստամբուլում կքննարկվի Իրանի միջուկային հարցը
ԵՐԵՎԱՆ, ՀՈՒԼԻՍԻ, ԱՐՄԵՆՊՐԵՍ: Իրանի միջուկային ծրագրի վերաբերյալ քննարկումները չեն դադարում: Ինչպես հաղորդում է «Արմենպրես»-ը` թուրքական «Հուրիեթ» պարբերականը տեղեկացնում է, որ այս անգամ գաղտնի բանակցություններ են ընթանալու Թուրքիայում:
Բաղդատում և Մոսկվայում տեղի ունեցած քննարկումներից հետո այս անգամ P5+1 (ՄԱԿ-ի մշտական անդամներ, ԱՄՆ, Ռուսաստան, Չինաստան, Ֆրանսիա, Անգլիա, ինչպես նաև Գերմանիա) երկրները քննարկումներ կանցկացնեն Ստամբուլում:
Թուրքիայի արտաքին գործերի նախարարի խոսնակ Սելչուկ Ունալ նշել է, որ հանդիպման վայրը գաղտնի է պահվելու: Հանդիպման ժամանակ քննարկվելու են Իրանի միջուկային ծրագրերին վերաբերող հարցեր:
Ստամբուլում նոր հավաք անցկացնելու վերաբերյալ որոշումն ընդունվել էր այն բանից հետո, երբ Մոսկվայում անցկացված քննարկումներն անարդյունք էին ավարտվել:
Բաժանորդագրվեք մեր ալիքին Telegram-ում