ნიკოლ ფაშინიანი სამუშაო ვიზიტით საფრანგეთში გაემგზავრა

სომხეთის პრემიერ-მინისტრი ნიკოლ ფაშინიანი ორდღიანი სამუშაო ვიზიტით საფრანგეთის რესპუბლიკაში გაემგზავრა.

„არმენპრესის“ ცნობით, ამის შესახებ „ფეისბუქის“ საკუთარ გვერდზე სომხეთის პრემიერ-მინისტრის პრესმდივანმა მელანია ჰარუთიუნიანმა დაწერა.

პრემიერ-მინისტრი პარიზში კოსმოსურ საკითხებზე გამართულ საერთაშორისო სამიტში მიიღებს მონაწილეობას.

პრემიერ-მინისტრმა ნიკოლ ფაშინიანმა „ფეისბუქის“ გვერდზე გამოქვეყნებულ ვიდეორგოლში განაცხადა, რომ ვიზიტის ფარგლებში საფრანგეთის პრეზიდენტს, ემანუელ მაკრონს შეხვდება.