1 წუთი კითხვის
სომხეთის საგარეო საქმეთა და საერთაშორისო ვაჭრობის მინისტრის მოადგილემ, ვაჰან კოსტანიანმა 7 სექტემბერს სომხეთში საფრანგეთის ახლადდანიშნული ელჩი ფლორიან ესკიუდიე მიიღო რწმუნებათა სიგელების ასლის გადაცემასთან დაკავშირებით.
„არმენპრესის“ ცნობით, ამის შესახებ ინფორმაციას სომხეთის რესპუბლიკის საგარეო საქმეთა და საერთაშორისო ვაჭრობის სამინისტრო ავრცელებს.
ვაჰან კოსტანიანმა ელჩ ესკიუდიეს სომხეთში დიპლომატიური მისიის დაწყება მიულოცა და ნაყოფიერი საქმიანობა უსურვა. მინისტრის მოადგილემ დარწმუნებულობა გამოთქვა, რომ ახლადდანიშნული ელჩი მნიშვნელოვან წვლილს შეიტანს სომხეთ-საფრანგეთის ურთიერთობების შემდგომ განმტკიცებასა და სტრატეგიული პარტნიორობის გაღრმავებაში.
შეხვედრისას თანამოსაუბრეებმა აზრთა გაცვლა-გამოცვლა გამართეს ორმხრივი დღის წესრიგის მიმდინარე საკითხებზე, ყურადღება გამახვილდა სომხეთ-საფრანგეთის სტრატეგიული პარტნიორობის ერთობლივი დეკლარაციით განსაზღვრული მიმართულებებით თანამშრომლობის წინწაწევასა და ახალი ინიციატივების სიცოცხლეში გატარებაზე.
ამ კონტექსტში თანამოსაუბრეებმა ასევე ხაზი გაუსვეს სავაჭრო-ეკონომიკურ და ინფრასტრუქტურულ სფეროებში თანამშრომლობის მნიშვნელობას, როგორც ორმხრივი დღის წესრიგის საკვანძო მიმართულებებს.