სომხეთის პრემიერ-მინისტრი ნიკოლ ფაშინიანი ორდღიანი სამუშაო ვიზიტით ყირგიზეთის რესპუბლიკაში გაემგზავრა
1 წუთი კითხვის
სომხეთის პრემიერ-მინისტრი ნიკოლ ფაშინიანი ორდღიანი სამუშაო ვიზიტით ყირგიზეთის რესპუბლიკაში გაემგზავრა.
„არმენპრესის“ ცნობით, ამის შესახებ ინფორმაციას სომხეთის რესპუბლიკის მთავრობა ავრცელებს.
პრემიერ-მინისტრი ბიშკეკში შანხაის თანამშრომლობის ორგანიზაციის სამიტის „შთო+“ ფორმატის შეხვედრასა და მის ფარგლებში დაგეგმილ ღონისძიებებში მიიღებს მონაწილეობას.
ვიზიტის ფარგლებში ნიკოლ ფაშინიანი ორმხრივ შეხვედრებს გამართავს უცხოელ პარტნიორებთან.
უფრო ადრე კრემლიდან იტყობინებოდნენ, რომ ბიშკეკში ასევე დაგეგმილია სომხეთის პრემიერ-მინისტრ ნიკოლ ფაშინიანისა და რუსეთის პრეზიდენტ ვლადიმირ პუტინის შეხვედრა.