ერევანში არარატ მირზოიანისა და მარკო რუბიოს შეხვედრა დაიწყო

ერევანში სომხეთის საგარეო საქმეთა მინისტრ არარატ მირზოიანისა და აშშ-ის სახელმწიფო მდივან მარკო რუბიოს შეხვედრა დაიწყო.

„არმენპრესის“ ცნობით, შეხვედრის დასრულების შემდეგ ურთიერთგაგების მემორანდუმის ხელმოწერის ცერემონიალი გაიმართება, რის შემდეგაც არარატ მირზოიანი და მარკო რუბიო მედიისთვის განცხადებებს გააკეთებენ.

მარკო რუბიო მეუღლესთან, ჟანეტ რუბიოსთან ერთად ერევანში ცოტა ხნის წინ ჩავიდა. „ზვართნოცის“ აეროპორტში მათ სომხეთის საგარეო უწყების ხელმძღვანელი არარატ მირზოიანი და მისი მეუღლე გოჰარ აბაჯიანი დახვდნენ.