1 წუთი კითხვის
გაერთიანებული სამეფოს თავდაცვის საკითხებში სახელმწიფო მინისტრი ვერნონ ქოქერი ეწვია ერევანს, რათა გახსნას სომხეთში ბრიტანეთის პირველი მუდმივი თავდაცვის დეპარტამენტი.
„არმენპრესის“ ინფორმაციით, ამის შესახებ განაცხადეს სომხეთში გაერთიანებული სამეფოს საელჩოდან.
„აგვისტოში მინისტრ დოუტის ვიზიტის გაგრძელებით, რომლის ფარგლებშიც გამოცხადდა გაერთიანებული სამეფოსა და სომხეთის ურთიერთობების სტრატეგიული პარტნიორობის დონეზე აყვანის განზრახვა, დღეს ერევანში იმყოფება გაერთიანებული სამეფოს თავდაცვის საკითხებში სახელმწიფო მინისტრი ვერნონ ქოქერი, რათა გახსნას სომხეთში პირველი მუდმივი თავდაცვის დეპარტამენტი“, - აღნიშნულია სომხეთის რესპუბლიკაში გაერთიანებული სამეფოს საელჩოს მიერ გავრცელებულ განცხადებაში.
აღნიშნულია, რომ ეს ნაბიჯი ადასტურებს გაერთიანებული სამეფოს გრძელვადიან ერთგულებას სომხეთის უსაფრთხოებისა და სუვერენიტეტისადმი.
შეგახსენებთ, რომ სომხეთში გაერთიანებული სამეფოს საელჩომ 4 დეკემბერს განაცხადა, რომ ლონდონმა მაიორ თომას შორლანდ ბოლი დანიშნა სომხეთში ბრიტანეთის პირველ რეზიდენტ თავდაცვის ატაშედ.