1 წუთი კითხვის
სომხეთის რესპუბლიკის პრემიერ-მინისტრის აპარატის უფროსი არაიკ ჰარუთუნიანი სომხეთ-აზერბაიჯანის პროცესში ურთიერთობების ამჟამინდელ ტემპს ცუდად არ აფასებს.
„არმენპრესის“ ცნობით, ჰარუთიუნიანმა ეს პოზიცია პარლამენტში ჟურნალისტებთან საუბრისას გამოთქვა.
მისი თქმით, აზერბაიჯანულ მხარესთან ინტენსიური კონტაქტები მიმდინარეობს ყველა საკითხზე.
„ეს ეხება ძალიან განსხვავებულ თემებს. მაგალითად, საზღვრის დელიმიტაციისა და დემარკაციის საკითხებზე მუშაობს მჰერ გრიგორიანი, საგარეო საქმეთა სამინისტრო მუშაობს თავისი დღის წესრიგით, უშიშროების საბჭო, არმენ გრიგორიანი თავის კოლეგასთან ერთად მუშაობს. განიხილება ჰუმანიტარული და სხვა ყველა საკითხი. როდესაც შედეგები გვაქვს, ამის შესახებ ვსაუბრობთ. სომხეთ–აზერბაიჯანის პროცესში და ურთიერთობებში არსებული ტემპი ცუდი არ არის. მაგალითად, აზერბაიჯანის მხრიდან სომხური ტვირთების ტრანზიტის შეზღუდვის მოხსნა“, - განაცხადა ჰარუთიუნიანმა.
პრემიერ-მინისტრის აპარატის ხელმძღვანელის თქმით, ორმხრივ კონტაქტებში მუდმივად განიხილება მშვიდობის ხელშეკრულების საბოლოო ხელმოწერის საკითხი.
მან დაამატა, რომ საჭიროა საერთო საფუძვლის პოვნა, რათა ეს დოკუმენტი რაც შეიძლება მალე მოეწეროს ხელს.