სომხეთის რესპუბლიკა მიესალმება აზერბაიჯანის რესპუბლიკის პრეზიდენტის განცხადებას ტვირთების ტრანზიტის შეზღუდვების მოხსნის შესახებ

სომხეთის რესპუბლიკა მიესალმება აზერბაიჯანის რესპუბლიკის პრეზიდენტის განცხადებას სომხეთის მიმართულებით ტვირთების ტრანზიტის შეზღუდვების მოხსნის შესახებ. ამის შესახებ სომხეთის რესპუბლიკის პრემიერ-მინისტრის პრესსპიკერმა ნაზელი ბაღდასარიანმა განაცხადა.

„ამ ნაბიჯს უდიდესი მნიშვნელობა აქვს რეგიონული კომუნიკაციების გახსნის, ურთიერთნდობის განმტკიცებისა და სომხეთსა და აზერბაიჯანს შორის დამყარებული მშვიდობის ინსტიტუციონალიზაციისთვის, ვაშინგტონში მიღწეული შეთანხმებების შესაბამისად“, – „არმენპრესის“ ცნობით, სომხეთის რესპუბლიკის პრემიერ-მინისტრის პრესსპიკერმა აღნიშნა.