სომხეთის საგარეო საქმეთა მინისტრის მოადგილემ ნიუ-იორკში შეხვედრა გამართა გაეროს გენერალური მდივნის მოადგილესთან

სომხეთის რესპუბლიკის საგარეო საქმეთა მინისტრის მოადგილე რობერტ აბისოღომონიანი ნიუ-იორკში შეხვდა გაეროს გენერალური მდივნის მოადგილეს ახლო აღმოსავლეთის, აზიისა და წყნაროკეანეთის რეგიონულ საკითხებში მოჰამად ხალედ ხიარის.

„არმენპრესის“ ინფორმაციით, ამის შესახებ განცხადება გაავრცელა სომხეთის საგარეო საქმეთა სამინისტრომ.

შეხვედრაზე განიხილეს გაეროს გენერალური მდივნის ინიციატივის „გაერო80“-ის პერსპექტივები.

განხილვის თემას წარმოადგენდა ასევე საერთაშორისო და რეგიონული უსაფრთხოების აქტუალური საკითხები. მხარეებმა ისაუბრეს ახლო აღმოსავლეთში შექმნილ ვითარებაზე.

სამხრეთ კავკასიაში არსებულ ვითარებაზე საუბრისას, საგარეო საქმეთა მინისტრის მოადგილემ რობერტ აბისოღომონიანმა თანასაუბრეს წარუდგინა სომხეთის ძალისხმევა რეგიონში მშვიდობის დღის წესრიგის წინ წაწევის მიმართულებით და ხაზი გაუსვა სომხეთსა და აზერბაიჯანს შორის მშვიდობისა და სახელმწიფოთაშორისი ურთიერთობების დამყარების შესახებ შეთანხმების სწრაფად ხელმოწერის მნიშვნელობას.