სომხეთის რესპუბლიკის პრემიერ-მინისტრის პრესსპიკერი გამოეხმაურა ინფორმაციას დუბაიში ფაშინიანისა და ალიევის შესაძლო შეხვედრის შესახებ

სომხეთის რესპუბლიკის პრემიერ-მინისტრის პრესსპიკერმა ნაზელიბაღდასარიანმა კომენტარი გააკეთა Middle East Eye-ის მიერ გავრცელებულ ცნობაზე, რომლის თანახმადაც სომხეთის პრემიერ-მინისტრი ნიკოლ ფაშინიანი და აზერბაიჯანის პრეზიდენტი ილჰამ ალიევი დუბაიში ივლისში შეხვედრას გეგმავენ.

„არმენპრესის“ შეკითხვის პასუხად სომხეთის რესპუბლიკის პრემიერ-მინისტრის პრესსპიკერმა ნაზელი ბაღდასარიანმა განაცხადა.

„პრემიერის ვიზიტების შესახებ ინფორმაცია დროულად და სათანადოდ გაეცემა საზოგადოებას“.

Middle East Eye თავის წყაროებზე დაყრდნობით წერს, რომ არაბთა გაერთიანებული საამიროები მზად არიან მასპინძლობა გაუწიონ სომხეთისა და აზერბაიჯანის ლიდერებს შორის შეხვედრას, როგორც ნაწილის თავიანთი მცდელობისა, გააუმჯობესონ კავკასიური ორი ერის ურთიერთობები.

ამ კონტექსტში გამოცემამ შეახსენა, რომ 25 ივნისს არაბთა გაერთიანებული საამიროების საგარეო საქმეთა მინისტრმა შეიხ აბდალა ბინ ზაიდ ალ ნაჰიანმა სატელეფონო საუბრები გამართა სომხეთის საგარეო საქმეთა მინისტრ არარატ მირზოიანთან და აზერბაიჯანის საგარეო საქმეთა მინისტრ ჯეიჰუნ ბაირამოვთან.

Middle East Eye-მა ციტატა მოიყვანა სომხეთის რესპუბლიკის საგარეო საქმეთა სამინისტროს მიერ აღნიშნული სატელეფონო საუბრის შესახებ გავრცელებული განცხადებიდან.

„მინისტრ მირზოიანსა და შეიხ აბდალა ბინ ზაიდ ალ ნაჰიანს შორის აზრთა გაცვლა მოხდა სამხრეთ კავკასიასა და ახლო აღმოსავლეთში მშვიდობის უზრუნველყოფის მიმართულებით მიმდინარე ძალისხმევის შესახებ“.