სომხეთსა და აზერბაიჯანს შორის ყველა შეშფოთების ადრესატად მიჩნეული ყველაზე მოკლე გზა არის მშვიდობის შეთანხმების ხელმოწერა: კოსტანიანი

მიუხედავად არსებული გამოწვევებისა, სომხეთის რესპუბლიკა გადაჭრით ცდილობს დაამყაროს გრძელვადიანი მშვიდობა სამხრეთ კავკასიის რეგიონში, ტერიტორიული მთლიანობის, სუვერენიტეტისა და საზღვრების ურღველობის პრინციპებზე დაყრდნობით, იმ პრინციპებზე, რომლის ურთიერთპატივისცემასაც სომხეთმა და აზერბაიჯანმა ალმა-ატას დეკლარაციით დაუდასტურეს ერთურთს.

ამის შესახებ განაცხადა სომხეთის საგარეო საქმეთა მინისტრის მოადგილემ ვაჰან კოსტანიანმა გორისში გამართული სომხეთ-საფრანგეთის დეცენტრალიზებული თანამშრომლობის მეხუთე ფორუმის გახსნისას.

„ჩვენ მტკიცედ ვართ ერთგულნი აზერბაიჯანთან ურთიერთობების დარეგულირების პროცესის. როგორც ცნობილია, სომხეთმა და აზერბაიჯანმა გამოაცხადეს შეთანხმება სამშვიდობო ხელშეკრულების ტექსტზე მოლაპარაკებების დასრულების შესახებ. სომხეთი მზად არის ხელი მოაწეროს და შემდგომ მოახდინოს მისი რატიფიცირება. გარწმუნებთ, რომ მხარეების ყველა შეშფოთების ადრესატად მიჩნეული ყველაზე მკაფიო, პირდაპირი და მოკლე გზა არის სწორედ ამ შეთანხმების ხელმოწერა და რატიფიცირება, რაც ჩვენი რეგიონისთვის მშვიდობიანი თანაცხოვრების ახალ ეპოქას გაუხსნის გზას“, – აღნიშნა კოსტანიანმა, „არმენპრესის“ ცნობით.

მისი თქმით, სიუნიქის ოლქში სომხეთ-საფრანგეთის დეცენტრალიზებული თანამშრომლობის ფორუმის გამართვა ასევე მშვიდობისა და თანამშრომლობის მკაფიო გზავნილია. „მდგრადი მშვიდობის გარანტიაა ასევე ეკონომიკური ურთიერთდაკავშირებულობა და რეგიონული თანამშრომლობა, რაც ხელს შეუწყობს ურთიერთნდობის ატმოსფეროს შექმნას რეგიონში. სიუნიქს შეუძლია გახდეს სტრატეგიული ჰაბი თანამშრომლობისთვის, სადაც ინფრასტრუქტურის, ტრანსპორტისა და ენერგეტიკის სფეროში ერთობლივი პროექტები მოემსახურება არა მხოლოდ სომხეთს, არამედ მთლიანად რეგიონსა და ფართო გეოგრაფიულ სივრცეს. ჩვენი მიზანია ჩამოვაყალიბოთ მშვიდობიანი და უსაფრთხო რეგიონი, სადაც კონფლიქტების ნაცვლად თანამშრომლობა სუფევს, დახურული საზღვრების ნაცვლად – ღია კარიბჭეები, და მუქარის ნაცვლად – ურთიერთპატივისცემაზე დაფუძნებული სახელმწიფოებრივი ურთიერთობები. ეს არის ჩვენი ხედვა და ამ ღონისძიების გამართვა სიუნიქში ამის მკაფიო დადასტურებაა“, – აღნიშნა მინისტრის მოადგილემ.

მან დაამატა, რომ აღნიშნულ კონტექსტში სომხეთის მიერ შემოთავაზებულია „მშვიდობის გზაჯვარედინი“ პროექტი, რომლის მიზანია სომხეთსა და მეზობელ ქვეყნებს შორის, როგორც ახლო, ისე ფართო რეგიონში, კავშირების განვითარება.