2 წუთი კითხვის
სომხეთის რესპუბლიკას ევროკავშირის წევრობის განაცხადი არ წარუდგენია და ამ მიმართულებით მოლაპარაკებები არ მიმდინარეობს.
„არმენპრესის“ ინფორმაციით, ამის შესახებ განაცხადა სომხეთის საგარეო საქმეთა მინისტრმა არარატ მირზოიანმა რუსეთის საგარეო საქმეთა მინისტრ სერგეი ლავროვთან ერთობლივი პრესკონფერენციის დროს, პასუხად რუსი ჟურნალისტის კითხვაზე, რომლის მიხედვითაც ოფიციალური ერევანი თითქოს გამოთქვამს სურვილს გახდეს ევროკავშირის წევრი, მაშინ როდესაც ქვეყნის ძირითადი სავაჭრო ბრუნვა დაკავშირებულია რუსეთსა და ევრაზიის ეკონომიკურ კავშირთან. ამ კონტექსტში რა გზას გეგმავს სომხეთი ევროინტეგრაციისა და ევრასიის ეკონომიკური კავშირის ინტეგრაციის შესათავსებლად?
„სომხეთს ევროკავშირში გაწევრიანების განაცხადი არ წარუდგენია, ამ მიმართულებით მოლაპარაკებები არ მიმდინარეობს, შესაბამისად, კითხვა, რომელიც მსგავსი განვითარების შემთხვევაში შეიძლება წამოჭრილიყო, არარელევანტურია და მე ვერ შევაფასებ ჰიპოთეტურ სიტუაციებს“, – განაცხადა მირზოიანმა.
ცნობისთვის, 2024 წლის 9 იანვარს სომხეთის მთავრობამ დაამტკიცა კანონპროექტი, რომელიც ევროკავშირში გაწევრიანების პროცესის დაწყებას ეხება.
სომხეთის მთავრობის ამ ნაბიჯზე კომენტარისას რუსეთში განაცხადეს, რომ შეუძლებელია ერთდროულად იყო როგორც ევრაზიის ეკონომიკური კავშირის, ასევე ევროკავშირის წევრი.