2 წუთი კითხვის
სომხეთის პრემიერ-მინისტრმა ნიკოლ ფაშინიანმა სამძიმარი გამოუცხადა ინდოეთის ქალაქ ფაჰალგამში განხორციელებული ტერაქტის გამო․
„ღრმად დამწუხრებული ვარ ფაჰალგამში მომხდარი საშინელი ტერორისტული თავდასხმით. გულწრფელად ვუსამძიმრებ მსხვერპლთა ოჯახებს. სომხეთი მკაცრად გმობს ტერორიზმს მისი ყველა ფორმით. ჩვენი ფიქრები და ლოცვები ინდოეთის მეგობარ ხალხთანაა“, - „არმენპრესის“ ინფორმაციით, სომხეთის პრემიერ-მინისტრმა X-ის მიკრობლოგში დაწერა.
ინდოეთის ჩრდილოეთ ჯამუ და ქაშმირის შტატში განხორციელებული ტერაქტის შედეგად სულ მცირე 28 ადამიანი დაიღუპა. თუმცა, რეგიონული მთავრობის ხელმძღვანელის ომარ აბდულას განცხადებით, დაღუპულთა ზუსტი ოფიციალური მონაცემები ჯერ არ არსებობს. რეგიონში მიმდინარეობს ანტიტერორისტული ოპერაცია.
თავდასხმა ფაჰალგამში მოხდა, სადაც იმ დროს ბევრი ტურისტი იმყოფებოდა. შეიარაღებულმა ჯგუფმა ცეცხლი გაუხსნა მათ. ტურისტების უმრავლესობა ინდოეთის მოქალაქეები იყვნენ. ინდოეთის პრემიერ-მინისტრმა ნარენდრა მოდიმ მკაცრად დაგმო ფაჰალგამში მომხდარი ტერაქტი, მიუსამძიმრა დაღუპულთა ოჯახებს და დაშავებულებს სწრაფი გამოჯანმრთელება უსურვა.