ვაშინგტონის ვიზიტის ფარგლებში ფაშინიან-ტრამპის შეხვედრა დაგეგმილი არ არის

სომხეთის რესპუბლიკის პრემიერ-მინისტრ ნიკოლ ფაშინიანის მიერ შეერთებულ შტატებში განხორციელებული უახლოესი ვიზიტის ფარგლებში, ამერიკის ახლადარჩეულ პრეზიდენტ დონალდ ტრამპთან შეხვედრა დაგეგმილი არ არის. როგორც „არმენპრესი“ იუწყება, ინფორმაცია 31 იანვარს გამართულ პრესკონფერენციაზე თავად პრემიერ-მინისტრმა ფაშინიანმა გააჟღერა.

თებერვლის დასაწყისში ვაშინგტონში ის დაესწრება 5-ე ყოველწლიურ საერთაშორისო რელიგიური თავისუფლების სამიტს, ასევე „ეროვნულ ლოცვის საუზმეს“ და სიტყვით გამოვა.

„აშშ-ის პრეზიდენტთან შეხვედრა არ არის დაგეგმილი. ამ ეტაპზე ჩვენს პროგრამაში ასეთი პუნქტი არ არსებობს, მაგრამ ეს ძალიან მნიშვნელოვანი ვიზიტია. ჩვენ კონსულტაციები გავმართეთ ჩვენს პარტნიორებთან და მივედით დასკვნამდე, რომ აუცილებლად უნდა წავიდეთ და მონაწილეობა მივიღოთ“, – განაცხადა პრემიერ-მინისტრმა.

მან აღნიშნა, რომ სხვა ღონისძიებებზე დასწრების მოწვევებიც არსებობს. ამ დროისთვის განიხილება მათი დასწრების შესაძლებლობა.