სომხეთმა და აზერბაიჯანმა ხელი მოაწერეს საზღვრის სადელიმიტაციო კომისიების ერთობლივი საქმიანობის რეგლამენტს

ერევანი, 30 აგვისტო, არმენპრესი. სომხეთისა და აზერბაიჯანის საზღვრის სადელიმიტაციო კომისიებმა დაასრულეს ერთობლივი საქმიანობის შესახებ რეგლამენტის შეთანხმების სამუშაოები. „არმენპრესის“ ცნობით, ამის შესახებ ინფორმაციას სომხეთის რესპუბლიკის საგარეო საქმეთა სამინისტრო ავრცელებს․

„2024 წლის 19 აპრილს ხელმოწერილი პროტოკოლის შესაბამისად, სომხეთის რესპუბლიკისა და აზერბაიჯანის რესპუბლიკას შორის სახელმწიფო საზღვრის დელიმიტაციისა და სასაზღვრო უსაფრთხოების საკითხებზე კომისიის და აზერბაიჯანის რესპუბლიკასა და სომხეთის რესპუბლიკას შორის სახელმწიფო საზღვრის დელიმიტაციის სახელმწიფო კომისიის 8-ე შეხვედრის მიხედვით, კომისიებმა დაასრულეს ერთობლივი საქმიანობის შესახებ რეგლამენტის შეთანხმების სამუშაოები.

2024 წლის 30 აგვისტოს, კომისიების ერთობლივი საქმიანობის შესახებ რეგლამენტი შესაბამისი წესით გაფორმდა. ამჟამად, სომხეთის რესპუბლიკამ და აზერბაიჯანის რესპუბლიკამ შიდა სახელმწიფო პროცედურების განხორციელება დაიწყეს“,  ნათქვამია სომხეთის საგარეო საქმეთა სამინისტროს განცხადებაში.