სომხეთი ყველა ღონეს ხმარობს აზერბაიჯანთან სამშვიდობო ხელშეკრულების გასაფორმებლად: სომხეთის საგარეო საქმეთა მინისტრი

ერევანი, 18 მარტი, არმენპრესი. სომხეთის რესპუბლიკის საგარეო საქმეთა მინისტრმა არარატ მირზოიანმა ყაზახეთის საგარეო საქმეთა მინისტრს მურატ ნურთლეუს სამხრეთ კავკასიაში არსებული ვითარება და სომხეთსა და აზერბაიჯანს შორის ურთიერთობების ნორმალიზაციის პროცესი გააცნო.

„არმენპრესის“ ცნობით, ამის შესახებ სომხეთის რესპუბლიკის საგარეო საქმეთა მინისტრმა არარატ მირზოიანმა ყაზახეთის საგარეო საქმეთა მინისტრთან ერევანში გამართული შეხვედრის შემდეგ განაცხადა.

„კიდევ ერთხელ მქონდა შესაძლებლობა აღვნიშნო, რომ სომხეთი ერთგული სამშვიდობო დღის წესრიგის მიმართ და ყველა ღონეს ხმარობს ხელი მოაწეროს სამშვიდობო ხელშეკრულებას აზერბაიჯანთან, რომელიც ეფუძნება ტერიტორიული მთლიანობის ორმხრივ აღიარებასა და საზღვრების შემდგომ დელიმიტაციას. საიდუმლო არ არის, რომ ამ საკითხებში გადამწყვეტ როლს თამაშობს 1991 წლის ალმა-ათას დეკლარაცია, რომლის მიხედვითაც საბჭოთა კავშირის ყოფილმა რესპუბლიკებმა აღიარეს საერთაშორისო სახელმწიფო საზღვრები ახლად დამოუკიდებელ რესპუბლიკებს შორის. სუვერენიტეტი და ტერიტორიული მთლიანობა ის ძირითადი პრინციპებია, რომლის საფუძველზეც ჩვენ ვხედავთ მშვიდობასა დასტაბილურობას სამხრეთ კავკასიასა და უფრო ფართო რეგიონში“, - აღნიშნა მირზოიანმა.