ევროპის საბჭოს საპარლამენტო ასამბლეაზე მოუწოდეს აზერბაიჯანის დელეგაციის უფლებამოსილების შეწყვეტისკენ

ერევანი, 22 იანვარი, არმენპრესი. ევროპის საბჭოს საპარლამენტო ასამბლეაზე გერმანელმა დეპუტატმა ფრანკ შვაბემ აზერბაიჯანის დელეგაციის უფლებამოსილების შეწყვეტისკენ მოუწოდა.

„არმენპრესის“ ინფორმაციით, ამის შესახებ ნათქვამია ევროსაბჭოს საპარლამენტო ასამბლეის ოფიციალურ ვებგვერდზე გამოქვეყნებულ შეტყობინებაში. შვაბემ აზერბაიჯანის დელეგაციის უფლებამოსილების შეწყვეტის საფუძვლად ქვეყანაში პოლიტპატიმრების პრობლემები დაასახელა, მთიანი ყარაბაღიდან ხალხის იძულებითი გადასახლება, ის ფაქტი, რომ ასამბლეის მომხსენებლებმა 2023 წლის განმავლობაში სულ მცირე სამჯერ ვერ შეძლეს აზერბაიჯანში ვიზიტი. ასევე, ევროსაბჭოს საპარლამენტო ასამბლეის მხრიდან მოწვევის არარსებობა საპრეზიდენტო არჩევნების დასაკვირვებლად ქვეყანაში, რომელიც 7 თებერვალს გაიმართება.

მის მოწოდებას მხარი დაუჭირა ევროსაბჭოს საპარლამენტო ასამბლეის სულ მცირე 30 წევრმა, რომლებიც წარმოადგენენ ხუთ ეროვნულ დელეგაციას.

მოწოდება დაუყოვნებლივ გადაეცა ასამბლეის მონიტორინგის კომიტეტს ანგარიშისთვის და წესების კომიტეტს დასკვნისთვის. მას ასამბლეა 24 იანვარს განიხილავს.

აზერბაიჯანის დელეგაციის წევრებს შეუძლიათ დროებით ისხდნენ იგივე უფლებებით, როგორც ასამბლეის სხვა წევრები, სანამ ასამბლეა არ მიიღებს გადაწყვეტილებას, მაგრამ არ აქვთ ხმის მიცემის უფლება მათი რწმუნებათა სიგელების გადამოწმებასთან დაკავშირებულ ნებისმიერ პროცედურაში.