ლავროვმა რეგიონული თანამშრომლობის 3+3 ფორმატს იმედისმომცემი უწოდა

ერევანი, 18 იანვარი, არმენპრესი. რუსეთის საგარეო საქმეთა სამინისტრო, 2023 წ. საქმიანობის შედეგების შეჯამებისადმი მიძღვნილ პრესკონფერენციაზე რუსეთის საგარეო საქმეთა სამინისტროს ხელმძღვანელმა სერგეი ლავროვმა სომხეთთან დაკავშირებულ რიგ საკითხებზე ისაუბრა.

„არმენპრესის“ ცნობით, ლავროვმა რეგიონული თანამშრომლობის 3+3 ფორმატს იმედისმომცემი უწოდა.

„ჩვენ შევთავაზეთ უფრო აქტიურად განვითარდეს თანამშრომლობის მექანიზმი სამხრეთ კავკასიის სამ ქვეყანას - სომხეთს, აზერბაიჯანსა და საქართველოს და მათ სამ უახლოეს მეზობელს - რუსეთს, თურქეთს და ირანს შორის. მეჩვენება, რომ დროთა განმავლობაში ეს კონკრეტული ფორმატი პერსპექტიული იქნება, რადგან ეს დამოკიდებულია არავითარ გლობალურ გეოპოლიტიკურ სიტუაციასთან და თავისუფალია ჰეგემონიის შენარჩუნების გეოპოლიტიკური თამაშისგან, რომელსაც ვაშინგტონი ახლა ავითარებს ბრიუსელში პარტნიორებთან ერთად“, - ციტირებს TASS ლავროვს.

„კიდევ ერთხელ მინდა ხაზგასმით აღვნიშნო, რომ ჩვენ ძალიან თბილი დამოკიდებულება გვაქვს სომეხი ხალხის მიმართ, დარწმუნებულები ვართ, რომ ისტორია ყველაფერს თავის ადგილზე დააყენებს, მაგრამ ყველა ამ პრობლემას მარტო არ მოვაგვარებთ... ამას ორი მხარე სჭირდება”, - დასძინა ლავროვმა.