სომხეთისა და უკრაინის ოფიციალურმა პირებმა ორ ქვეყანას შორის თანამშრომლობის პერსპექტივები განიხილეს

სომხეთის უშიშროების საბჭოს მდივანმა არმენ გრიგორიანმა და უკრაინის პრეზიდენტის აპარატის ხელმძღვანელმა ანდრეი ერმაკმა 28 ოქტომბერს მალტაში გამართულ შეხვედრაზე სომხეთსა და უკრაინას შორის ორმხრივი ურთიერთობების არსებული მდგომარეობა განიხილეს.

„არმენპრესის“ ცნობით, ამის შესახებ უკრაინაში სომხეთის საელჩო ფეისბუქის ოფიციალურ გვერდზე იტყობინება. გამოქვეყნებულ შეტყობინებაში აღინიშნასომხეთის პრემიერ-მინისტრ ნიკოლ ფაშინიანისა და უკრაინის პრეზიდენტის ვლადიმირ ზელენსკის პირველი შეხვედრის მნიშვნელობა, რომელიც გაიმართა გრანადაში ევროპული პოლიტიკური გაერთიანების სამიტის ფარგლებში.

„ანდრეი ერმაკმა მადლობა გადაუხადა სექტემბრის დასაწყისში კიევში გამართულ პირველი ლედებისა და ბატონების სამიტზე ანა ჰაკობიანის, პრემიერ-მინისტრის მეუღლის მონაწილეობისთვის და უკრაინელი მოსწავლეებისთვის ჰუმანიტარული დახმარებისთვის. პრეზიდენტის ადმინისტრაციის ხელმძღვანელმა დაადასტურა უკრაინული მხარის ვალდებულება სომხეთთან თანამშრომლობის გაღრმავებისკენ, განსაკუთრებით ევროინტეგრაციის საკითხებში. ასევე, გაიმართა აზრთა გაცვლა რეგიონული უსაფრთხოების გამოწვევებზე“,- ნათქვამია განცხადებაში.

მხარეებმა ერთმანეთს მიულოცეს ატომური ენერგიის საერთაშორისო სააგენტოს მმართველთა საბჭოში სომხეთისა და უკრაინის არჩევა, განიხილეს ორი ქვეყნის თანამშრომლობა ამ ორგანიზაციის ფარგლებში და ზოგადად ენერგეტიკის სფეროში.