368.59
1 րոպեի ընթերցում
Մեկնարկել է Ազգային ժողովի հերթական նիստը:
«Արմենպրես»-ի փոխանցմամբ՝ սեպտեմբերի 30-ին մեկնարկած հերթական նիստերի օրակարգում ընդգրկված է 14 հարց:
Խորհրդարանը երկրորդ ընթերցմամբ կքննարկի Հայաստանի Հանրապետության քրեական օրենսգրքում փոփոխություն կատարելու մասին և «Ռազմական ոստիկանության մասին» օրենքում լրացումներ և փոփոխություն կատարելու մասին օրենքների նախագծերի փաթեթը, «Ճանապարհային երթեւեկության անվտանգության ապահովման մասին» օրենքում լրացում կատարելու մասին և կից ներկայացված օրենքների նախագծերի փաթեթը:
Կքննարկվի նաև «Հայաստան» խմբակցության ներկայացրած Հայաստանի Հանրապետության քրեական օրենսգրքում փոփոխություն կատարելու մասին օրենքի նախագիծը:
Օրակարգում է նաև Կոռուպցիայի կանխարգելման հանձնաժողովի անդամի ընտրության հարցը, «Թափոնների մասին» օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթն ու մի շարք այլ օրենսդրական նախաձեռնություններ: