ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Հայկական ատոմային էլեկտրակայանը գործում է միջազգային բոլոր չափանիշներին համապատասխան: «Արմենպրես»-ի հաղորդմամբ՝ այս մասին ՀԱԷԿ-ում շրջայցից հետո լրագրողների հետ զրույցում ասաց ՀՀ տարածքային կառավարման և ենթակառուցվածքների նախարար Սուրեն Պապիկյանը՝ հեռակա արձագանքելով Եվրանեսթում ադրբեջանական պատվիրակության ստահոդ հայտարարություններին, թե իբր ՀԱԷԿ-ը տարածաշրջանի համար վտանգ է ներկայացնում
«Ատոմակայանը գործում է միջազգային բոլոր ստանդարտներին համապատասխան: Եվ գործողություններն ու միջազգային կառույցների կողմից տված բարձր գնահատականը խոսում են այն մասին, որ մտահոգությունները տեղին չեն»,-ասաց Պապիկյանը:
Դեկտեմբերի 8-ին հայկական պատվիրակության ջանքերով տապալվել էին Եվրանեսթ խորհրդարանական վեհաժողովում Մեծամորի ատոմակայանի (Հայկական ատոմային էլեկտրակայան) փակման հարցը դնելու փորձերը։