1 րոպեի ընթերցում
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ: «911» ծառայությունը օգոստոսի 3-ին ժամը 13:00-ին ահազանգ է ստացել, որ Դիլիջան-Գոշավանք ավտոճանապարհին տեղի է ունեցել ավտովթար: Ինչպես «Արմենպրես»-ին տեղեկացրին ԱԻՆ լրատվական ծառայությունից, դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Ըստ նախնական տեղեկության` 8 մարդ հոսպիտալացվել է Դիլիջանի ԲԿ:
Դիլիջանի բժշկական կենտրոնից «Արմենպրես»-ին հայտնեցին, որ տուժածների թվում են մանկապարտեզներից մեկի աշխատակիցները:
Լրատվամիջոցների տարածած տեղեկությունների համաձայն` «ՊԱԶ» մակնիշի ավտոմեքենան դուրս է եկել ճանապարհի երթևեկելի գոտուց, բախվել բետոնե սյուներին և, առաջ ընթանալով, հայտնվել ձորակում։