Կրակոցներ Մալաթիա-Սեբաստիա վարչական շրջանում. հրազենային վիրավորում ստացած անձը տեղափոխվել է հիվանդանոց
1 րոպեի ընթերցում
![Կրակոցներ Մալաթիա-Սեբաստիա վարչական շրջանում. հրազենային վիրավորում ստացած անձը տեղափոխվել է հիվանդանոց](http://armenpress.am/resized/480/static/news/b/2019/04/970186.jpg)
ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ: ՀՀ ոստիկանության Մալաթիայի բաժնում ապրիլի 5-ին՝ ժամը 8-ն անց 20-ի սահմաններում, հաղորդում է ստացվել, որ Անդրանիկի 90 շենքի մոտ կրակոցներ են հնչել։ «Արմենպրես»-ի հաղորդմամբ ՀՀ ոստիկանության լրատվական ծառայությունից տեղեկացնում են, որ դեպքի վայր մեկնած օպերատիվ խումբը պարզել է, որ 57-ամյա մի տղամարդ թմբուկավոր ատրճանակով կրակոցներ է արձակել հիշյալ շենքի 40-ամյա մի բնակչի ուղղությամբ։
Վերջինս հրազենային վնասվածքներ է ստացել:
Կրակոցներ արձակած տղամարդուն ոստիկանության ծառայողները սպանության փորձ կատարելու կասկածանքով բերման են ենթարկել բաժին։ Հրազենային վիրավորում ստացած քաղաքացին տեղափոխվել է «Աստղիկ» բժշկական կենտրոն։
Հանգամանքները պարզվում են։