ՀԾԿՀ նախագահի պաշտոնում նոր թեկնածու չի առաջադրվել. Ռոբերտ Նազարյանի պաշտոնավարման ժամկետը լրացել էր հուլիսի 1-ին
1 րոպեի ընթերցում
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Լրացել է Հանրային ծառայությունները կարգավորող հանձնաժողովի նախագահ Ռոբերտ Նազարյանի պաշտոնավարման ժամկետը, նա վայր է դրել իր լիազորությունները։ Ինչպես «Արմենպրես»-ին տեղեկացրին ՀԾԿՀ-ից, Ռոբերտ Նազարյանի պաշտոնավարման ժամկետը լրացել է 2018-ի հուլիսի 1-ին: Վերջինս այս պաշտոնում նշանակվել էր 5 տարի ժամկետով:
Համաձայն նոր Սահմանադրության՝ ՀԾԿՀ նոր նախագահին ընտրելու է Ազգային ժողովը՝ վարչապետի ներկայացմամբ:
«Նախագահի պաշտոնում Ռոբերտ Նազարյանի առաջադրման դեպքում՝ նա կմտածի առաջարկի շուրջ»,- փոխանցեցին ՀԾԿՀ-ից: