«Արմենպրես»-ի նախկին ֆոտոթղթակցի լուսանկարը մեծ հետաքրքրություն է առաջացրել սոցիալական ցանցերում
1 րոպեի ընթերցում
ԵՐԵՎԱՆ, 2 ՄԱՐՏԻ, ԱՐՄԵՆՊՐԵՍ: Հայաստանի Հանրապետության կառավարության ֆոտոլրագրող Տիգրան Մեհրաբյանի` Արարատ լեռան ֆոնին Վրաստանի վարչապետի ինքնաթիռի և պաշտոնական դիմավորման լուսանկարը մեծ հետաքրքրություն է առաջացրել սոցիալական ցանցերում:
«Արմենպրես»-ի հետ զրույցում Տիգրան Մեհրաբյանը պատմեց, թե ինչպես է ծնվել այդպիսի լուսանկար ստանալու գաղափարը: «Երբ օդանավակայան էինք գնում, ճանապարհին նկատեցի, որ Արարատ լեռը շատ պարզ երևում է, և արդեն ճանապարհին ծնվեց նման լուսանկար ստանալու գաղափարը, պատկերն արդեն իսկ ձևավորվում էր»,- պատմեց Մեհրաբյանը:
Տիգրան Մեհրաբյանը 2005-2010թթ աշխատել է «Արմենպրես» լրատվական գործակալությունում: