1 րոպեի ընթերցում
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ։ Տավուշի մարզի Ենոքավան գյուղում ագրոզբոսաշրջության նոր ծրագրեր են մշակվել։
«Արմենպրես»-ի հաղորդմամբ՝ ՀՀ տնտեսական զարգացման և ներդրումների նախարարության Զբոսաշրջության պետական կոմիտեի նախագահ Զարմինե Զեյթունցյանն ասաց, որ իրենց համար, որպես զբոսաշրջության զարգացման գրավական, առաջին հերթին, մեր համայնքների համաչափ զարգացումն է։
«Ենոքավան գյուղում հետաքրքիր ագրոզբոսաշրջության ծրագրեր են մշակվել։ Այս հանգստյան օրերին ուզում ենք մեկնել այնտեղ և ուսումնասիրել տարածքը»,- ասաց Զեյթունցյանը։
Մայրաքաղաք Երևանից 140 կիլոմետր հյուսիս-արևելք՝ գողտրիկ ու հերոսական Տավուշի նույնքան գողտրիկ համայնքներից մեկում՝ Ենոքավանում, հաջողությամբ զարգանում է գերակտիվ հանգստի ենթակառուցվածքը: