«Հայփոստ»-ը կանոնավոր փոխադրումներ կիրականացնի դեպի Եվրոպա

2 րոպեի ընթերցում

ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Երևանի Հանրապետության հրապարակում սեպտեմբերի 29-ին Հայաստանի փոստային կապի ազգային օպերատոր «Հայփոստ»-ը ներկայացրեց աննախադեպ նոր ծառայություն և ձեռք բերված նոր մեքենաներ, որոնք ուղիղ բեռնափոխադրումներ կսկսեն դեպի Եվրոպա: Շնորհանդեսին ներկա է գտնվել ՀՀ տրանսպորտի և կապի նախարար Վահան Մարտիրոսյանը: Նա բարձր գնահատեց «Հայփոստ»-ի կողմից կատարված ներդրումը:

«Հուսով եմ, որ այս ներդրումը կնվազեցնի սպասարկման վարձի գները: Իհարկե, այս ամենը կախված է «Հայփոստ»-ի ղեկավարությունից և փոխադրվող բեռների քանակից»,- «Արմենպրես»-ի հաղորդմամբ՝ նշեց նախարարը:

2016 թվականի հոկտեբերի 1-ից Հայփոստն իրականացնելու է փոստի և բեռների կանոնավոր չվացուցակով պարբերական փոխադրումները դեպի Եվրոպա և հակառակ ուղղությամբ, ինչի շնորհիվ ամրապնդվելու է Հայաստանի կապը եվրոպական երկրների հետ:

Այս նորարարական բեռնափոխադրումների ծառայությունը կօժանդակի ապրանքների ներկրման և արտահանման գործընթացին՝ ընկերություններին թույլ տալով ընդլայնել իրենց գործունեությունը:

Նոր ծառայության մատուցման նպատակով «Հայփոստ»ը ձեռք է բերել 2 նոր բեռնատար մեքենա, որոնց բեռնատարությունը կազմում է 27 տոննա: Մեքենաները կարող են հաղթահարել մինչև 4500 կմ ճանապարհ:

Նշված բեռնատարերի հետ մեկտեղ «Հայփոստ»-ի շարժակազմը համալրվել է 12 նոր ֆուրգոններով, որոնց երթուղիները կմեծացնեն Հայաստանի միջմարզային կապը:

Այս նոր 14 մեքենաների համար ամբողջական ներդրումը կազմում է մոտ 1 միլիոն ԱՄՆ դոլարին համարժեք գումար:

Վերջին 7 տարվա ընթացքում «Հայփոստ Թրանսթ Մենեջմենթ» ՓԲԸ-ն իր շարժակազմը համալրել է 140 մեքենայով: Ընկերությունը վերանորոգել և արդիանականացրել է 250 փոստային բաժանմունք հանրապետության ամբողջ տարածքում:

Հայերեն English

Տեխնոլոգիական ոլորտում աշխատող և ոլորտով հետաքրքրված հայրենադարձներին ներկայացվել են պետական ծրագրերն ու միջոցառումները

ՀՀ տարածքում կան փակ, դժվարանցանելի ավտոճանապարհներ․ Լարսը բաց է բոլոր տեսակի տրանսպորտային միջոցների համար

Վրաստանում ցույցերի մասին օրենքում կատարված փոփոխությունները միտված է կանխելու ատելության տարածումը․ Կոբախիձե

Էստոնիան, Լատվիան, Լիտվան անջատվել են ռուսական էներգահամակարգից և կմիանան եվրոպական ցանցին

Brent-ը մեկ բարելի դիմաց թանկացել է մինչև 74,69 դոլար

Ստեփանավանում տեղի ունեցած հրդեհի հետևանքները վերացնելու նպատակով ստեղծվել է օպերատիվ շտաբ

Փետրվարի 10-ի միջոցառումների անոնս

Ստեփանավանում շենքերից մեկում բռնկված հրդեհի հետևանքով տարհանված քաղաքացիներն ապահովվել են կեցության վայրերով

Տղամարդը բարձրացել է Վատիկանի Սուրբ Պետրոսի տաճարի խորանի վրա և կոտրել 30 հազար եվրո արժողությամբ 6 մոմակալ

Դոնի Ռոստովի շրջաններից մեկում արտակարգ դրություն է հայտարարվել