398.84
Հովիտ գյուղում կայծակի հարվածից 13-ամյա տղա է մահացել
1 րոպեի ընթերցում
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Շիրակի մարզի Հովիտ գյուղում կայծակի հարվածից 13-ամյա տղա է մահացել: Այս մասին «Արմենպրես»-ին տեղեկացրեց Հովիտ գյուղի գյուղապետ Ավետիք Սերոպյանը: Նրա խոսքով՝ տղան տեղում մահացել է:
«Դեպքը տեղի է ունեցել օգոստոսի 5-ին` գյուղի վարչական տարածքում: Ժամը 17:15-ի սահմաններում էր, երբ 13-ամյա Ռոբերտ Ավագյանն իր հորեղբոր որդու հետ վերադառնում էր տուն: Նրանք գառները տարել էին սարն արածեցնելու: Տուն վերադառնալու ճանապարհին 300-400 մետր էր մնացել ու դեպքը տեղի է ունեցել»,- ասաց Ավետիք Սերոպյանը:
Նրա խոսքով՝ երեխային տարել են հիվանդանոց, սակայն ուշ է եղել:
Օգոստոսի 9-ին տեղի է ունեցել երեխայի հուղարկավորությունը:
Բաժանորդագրվեք մեր ալիքին Telegram-ում