1 րոպեի ընթերցում
ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: ՀՀ սպորտի և երիտասարդության հարցերի նախարարության կողմից պետական աջակցություն ստացող Հայաստանի կարատեի ֆեդերացիան ներկայացնող մարզիկները մեր երկիրը Տոկիոյի օլիմպիական խաղերում ներկայացնելու հնարավորություն ունեն:
«Հայաստանի կարատեի ֆեդերացիան, որն անդամակցում է ՄՕԿ-ի կողմից որպես օլիմպիական մարզաձև ճանաչված կարատեի միջազգային ֆեդերացիային, 2016 թ. օգոստոսի 5-21-ը Ռիո Դե Ժանեյրոյում կայանալիք օլիմպիական խաղերից հետո սկսվելիք քառամյա փուլում աշխատելու է, որպեսզի ֆեդերացիան ներկայացնող մարզիկները պատրաստ լինեն Տոկիոյում պայքարել օլիմպիական մրցանակների համար»,- նշել է ՀՀ սպորտի և երիտասարդության հարցերի նախարար Գաբրիել Ղազարյանը:
«Արմենպրես»-ը տեղեկացմամբ, այս մասին հայտնում է ՀՀ սպորտի և երիտասարդության հարցերի նախարարության լրատվական բաժինը: