Հրանտ Դինքի սպանության իրական պատճառները պետք է փնտրել նրա համարձակ ելույթներում

3 րոպեի ընթերցում

ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Պոլսահայ մտավորական Հրանտ Դինքի սպանության իրական պատճառները պետք է փնտրել նրա համարձակ ելույթներում, որտեղ նա դատապարտում էր Թուրքիայում մարդու իրավունքների, ազատ խոսքի սահմանափակումը, ժողովուրդների փոխըմբռնման բացակայությունը: Այս մասին լրագրողների հետ զրույցում նշեց ԵՊՀ պատմության ֆակուլտետի դեկան, պատմական գիտությունների դոկտոր, պրոֆեսոր Էդիկ Մինասյանը:

«9 տարի առաջ կատարվեց մեծ ողբերգություն, որը Թուրքիայում կատակերգության է վերածվել: 9 տարի է անցել: Սպանվել է մի մարդ, որը նվիրվել է ժողովրդավարացման, մարդու իրավունքների, ազատ խոսքի, թուրքահայ համայնքի պաշտպանությանը: Դինքը նվիրյալ հայորդի էր, ով իր ուշադրությունը սևեռել էր պատմական արդարության վերականգնման խնդիրներին»,- «Արմենպրես»-ի փոխանցմամբ` նշեց Էդիկ Մինասյանը:

ԵՊՀ պատմության ֆակուլտետի դեկանի խոսքով` Դինքի սպանությունն իրականացրել և դեպքից մի քանի օր անց ձերբակալվել է ազգայնական կազմակերպության անդամ 17-ամյա Օգյուն Սամաստը, որը մեղադրվել է հանցագործության մեջ:

«Դատավարությունը շարունակվեց 5 տարի՝ բազմաթիվ քննադատություններով, ձերբակալություններով, բայց այդպես էլ իսկական կազմակերպիչը չհայտնաբերվեց: Այսօր էլ գործընթացը շարունակվում է: Թուրքական մամուլում քննարկվում էր այն խնդիրը, թե որն էր սպանության պատճառը, տարբեր կարծիքներ կային: Ես կասկածում եմ, որ մինչև վերջ կբացահայտվի դեպքը, նոր ձերբակալությունները ժամանակ շահելու, հասարակության աչքին թոզ փչելու միջոց են: Այսօրվա Թուրքիան մարդու իրավուքնների ոտնահարման իր քայլերով ցույց է տալիս, որ բացահայտումներ չեն լինի, և կազմակերպիչները դատարանի առջև չեն կանգնի»,-շեշտեց Էդիկ Մինասյանը:

Գրող, լրագրող Հրանտ Դինքը ծնվել է 1954 թ. Մալաթիա քաղաքում: 7 տարեկան հասակում ծնողների հետ տեղափոխվել է Ստամբուլ, որտեղ սովորել է Պեզճյան վարժարանում, այնուհետև` Սուրբ Խաչ դպրեվանքում: 1978 թ. ավարտել է Ստամբուլի պետական համալսարանի կենսաբանության, 1987 թ.` փիլիսոփայության ֆակուլտետները: Զինվորական ծառայությունից հետո աշխատել է որպես լրագրող: 1996 թ. Ստամբուլում հիմնել է «Ակոս» թերթը` նպատակ ունենալով ներկայացնել թուրքահայության ծայրահեղ մեկուսացվածությունը, դառնալ նրա խոսափողն ու իրավունքների պաշտպանը, հաշտարար օղակ լինել հայ և թուրք ժողովուրդների միջև: Հայոց ցեղասպանության հարցում հակադրվելով Թուրքիայի պաշտոնական տեսակետին՝ բազմիցս հալածվել է: Սպանվել է Թուրքիայի Ստամբուլ քաղաքում` թերթի խմբագրատան առաջ, թուրք ազգայնամոլի հրազենի գնդակից:Դինքի սպանությունը բողոքի մեծ ալիք առաջացրեց Թուրքիայում և արտերկրում: «Ես հայ եմ, ես Հրանտ Դինք եմ» կարգախոսով հազարավոր մարդիկ դուրս եկան փողոց` ի պաշտպանություն Դինքին:

Հայերեն English Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ