Սիրիայում և Իրաքում իրականացվում է ասորիներին ոչնչացնելու հատուկ քաղաքականություն
1 րոպեի ընթերցում
![Սիրիայում և Իրաքում իրականացվում է ասորիներին ոչնչացնելու հատուկ քաղաքականություն](http://armenpress.am/resized/480/static/news/b/2016/01/832394.jpg)
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Մերձավոր Արեւելքում շարունակվում է ասորիների նկատմամբ ցեղասպանությունը, սակայն միջազգային հանրությունը որեւէ կերպ չի արձագանքում այդ փաստին: Գնահատականը` ՀՀ ԳԱԱ պատմության ինստիտուտի ավագ գիտաշխատող, ԱՄՆ Չիկագոյի համալսարանի դասախոս Անահիտ Խոսրոևայինն է:
«Եվրոպական պետություններն արդեն հասկացել են, որ Մերձավոր Արևելքում տարվում է քրիստոնյաների բնաջնջման քաղաքականության, սակայն այն կանխելու ուղղությամբ ոչ մի ռեալ քայլ չեն ձեռնարկում»,- «Արմենպրես»-ի փոխանցմամբ՝ ասաց Խոսրոեւան` հավելելով, որ այսօր էլ Մերձավոր Արևելքից ասորիների ցեղասպանությունը շարունակվում է: Նրանցից շատերը բռնել են գաղթականության ուղին: Խոսրոևայի գնահատմամբ, որեւէ ռեալ քայլ չի կատարվում ասորիների ցեղասպանությունը կանխելու ուղղությամբ:
«ԱՄՆ-ն մինչև այժմ չի ճանաչում քրիստոնյա ասորիների այս ողբերգությունը որպես ցեղասպանություն: Չգիտեմ՝ ի՞նչ տարբերություն է դնում, որ Մերձավոր Արևելքում եզդիների նկատմամբ կատարվածը ճանաչում են ցեղասպանություն, քրիստոնյաների հանդեպ կատարվածը՝ ոչ: Այն ինչ կատարվում է եզդիների դեմ Մերձավոր Արևելքում, ցեղասպանության դասական օրինակ է»,- ասաց Խոսրոևան: