368.52
Ասադը Դամասկոսում հանդիպել է ռուս խորհրդարանականների հետ
1 րոպեի ընթերցում
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Ռուս խորհրդարանականները կիրակի Դամասկոսում հանդիպում են ունեցել Սիրիայի նախագահ Բաշար Ասադի հետ: Ինչպես տեղեկացնում է «Արմենպրես»-ը` վկայակոչելով «Ինտերֆաքս» գործակալությունը, այս մասին հայտնել է պատվիրակության անդամ, Պետդումայի պատգամավոր Ալեքսանդր Յուշենկոն:
Հոկտեմբերի 23-ին ռուսաստանյան խորհրդարանական պատվիրակությունը մարդասիրական առաքելությամբ ժամանել էր Սիրիա` իր հետ բերելով մարդասիրական օգնություն` դեղորայք եւ մանկական սնունդ:
«Օգնության մի մասը մենք կփոխանցենք ուղղափառ թեմի, մյուս մասը` Սիրիայի Գերագույն մուֆթիի միջոցով, իսկ երրորդ մասը կփոխանցվի զոհված սիրիացի զինվորականների երեխաներին»,- պարզաբանել է պատվիրակության ներկայացուցիչ, Դաշնային Խորհրդի պաշտպանության եւ անվտանգության հանձնաժողովի անդամ Դմիտրի Սաբլինը:
Ռուս խորհրդարանականները պատրաստվում են քննարկել հարցեր, կապված Սիրիայի սոցիալական ենթակառուցվածքի վերականգնման հետ:
Բաժանորդագրվեք մեր ալիքին Telegram-ում