Ըմբիշ Վոլոդյա Ֆրանգուլյանը` Եվրոպայի չեմպիոն

ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Լեհաստանի Վալբրժիխ քաղաքում ընթացող ըմբշամարտի Եվրոպայի մինչև 23 տարեկանների առաջնությունում ազատ ոճային 61 կգ քաշային Վոլոդյա Ֆրանգուլյանը դարձել է Եվրոպայի չեմպիոն:

Եզրափակիչում Ֆրանգուլյանը 8:3 հաշվով պարտության է մատնել ուկրաինացի Անդրեյ Սվիրիդին:

Մեդալի արժանանալու հնարավորություն է ունեցել նաև 70 կգ քաշային Իշխան Պողոսյանը, սակայն երրորդ տեղի համար պայքարում երևանցի ըմբիշը չի կարողացել հաղթել բելառուս Ալեքսանդր Կարպաչին:

«Արմենպրես»-ի հաղորդմամբ, այս մասին տեղեկացնում է ըմբշամարտի ֆեդերացիան:

Նախօրեին արծաթե մեդալ է նվաճել 74 կգ քաշային Գրիգոր Գրիգորյանը: Ազատ ոճայինները մինչև 23 տարեկանների Եվրոպայի անդրանիկ առաջնությունում նվաճել են մեկական ոսկե և արծաթե մեդալ: