Լեւոն Արոնյանի հաջորդ մրցակիցը ռուս Իգոր Լիսին է. շախմատի աշխարհի գավաթի խաղարկություն

ԵՐԵՎԱՆ, 13 ՕՈԳՍՏՈՍԻ, ԱՐՄԵՆՊՐԵՍ: Հայաստանի ուժեղագույն շախմատիստ Լեւոն Արոնյանի հաջորդ մրցակիցը շախմատի աշխարհի գավաթի խաղարկությունում Իգոր Լիսին է:

«Արմենպրես»-ի հաղորդմամբ, Լիսին երկրորդ փուլի ուղեգիր է նվաճել` 1,5-0,5 հաշվով առավելության հասնելով Անդրեյ Իստրատեսկոյի նկատմամբ: Արոնյանն իր հերթին երկու անգամ անընդմեջ հաղթեց Միխայիլ Մարկովին:

Մրցաշարի երկրորդ փուլը կկայանա օգոստոսի 14-15-ին:

Շախմատի աշխարհի գավաթի խաղարկությունը անցկացվում է Նորվեգիայի Տրոմսո քաղաքում: Մրցաշարի մասնակցում են 128 շախամտիստներ: