ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Հայկական բանակի ակտիվ հակագործողությունների շնորհիվ ադրբեջանական ռազմական մոլագար մեքենան ճնշված վիճակում է:
Այս մասին դեկտեմբերի 28-ին լրագրողների հետ հանդիպման ժամանակ նշեց քաղաքագետ Լևոն Շիրինյանը:
«Սա մեր բանակի և զինվորական ղեկավարության մեծ հաջողությունն է»,- «Արմենպրես»-ի փոխանցմամբ՝ ասաց Շիրինյանը: Քաղաքագետի համոզմամբ՝ ադրբեջանցիները լռում են, որովհետև հասկանում են իրենց բանակի անպատրաստ լինելը պատերազմին:
Քաղաքագետը հիշեցրեց Ադրբեջանի նախկին ռազմաշունչ հռետորաբանությունը և այն համեմատելով ներկա վիճակի հետ` ընդգծեց արձանագրված փոփոխությունները: Քաղաքագետի բնորոշմամբ՝ Հայաստանի արտաքին քաղաքականությունը և հարևանների հետ հարաբերությունները 2012 թվականին մնաց ստատուս քվոի վիճակում: