367.12
Արմեն Ջիգարխանյանի 77-ամյակը կտոնվի իրեն նվիրված «Խոսիր ինձ հետ» ֆիլմի պրեմիերայով
2 րոպեի ընթերցում
ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: «Հայ-Արտ» մշակութային կենտրոնի տնօրենՌիտա Շառոյանի` «Խոսիր ինձ հետ» վավերագրական ֆիլմաշարի «Արմեն Ջիգարխանյան» տեսաֆիլմի պրեմիերան տեղի կունենա հոկտեմբերի 3-ին` ԽՍՀՄ ժողովրդական արտիստի ծննդյան օրը Առնո Բաբաջանյանի անվան ֆիլհարմոնիկ փոքր համերգասրահում: «Արմենպրես»-ի փոխանցմամբ` հոկտեմբերի 3-ին հրավիրված ասուլիսում Երեւանի քաղաքապետարանի «Հայ-Արտ» մշակութային կենտրոնի տնօրեն Ռիտա Շառոյանը նշեց, որ ֆիլմը նվիրումի եւ սիրո համեստ նվերն է մեծանուն արտիստի տարեդարձին:
«Շարքի նպատակն է հանդիսատեսին ներկայացնել անվանի մշակութային, հասարակական-քաղաքական գործիչներին»,- ասաց Շառոյանը: Նրա խոսքով` ինքը իրեւ հերոսի երկխոսության միջոցով անդրադարձել է հանդիսատեսին հետաքրքրող թեմաների:
«Արմեն Ջիգարխանյան» վավերագրական ֆիլմում ներկայացված են դերասանի տարբեր տարիների հարցազրույցները, ամփոփված են արխիվային նյութեր:
«Ֆիլմում Ջիգարխանյանը խոսում է տարբեր թեմաների շուրջ` իր խոհերի մասին»,- հավելեց հեղինակը:
«Խոսիր ինձ հետ» շարքի շրջանակներում արդեն իսկ նկարահանվել են ֆիլմեր Հրանտ Մաթեւոսյանի, Հովհաննես Չեքիջյանի և այլոց մասին: 2013 թվականին շարքը կհամալրվի նոր անուններով:
Բաժանորդագրվեք մեր ալիքին Telegram-ում