Իվանաշվիլու հաղթանակի հիմնական գործոնը ժողովրդի դժգոհությունն էր իշխող կուսակցությունից. վրացագետ
1 րոպեի ընթերցում
![Իվանաշվիլու հաղթանակի հիմնական գործոնը ժողովրդի դժգոհությունն էր իշխող կուսակցությունից. վրացագետ](http://armenpress.am/resized/480/static/news/b/2012/10/694960.jpg)
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Վերջին 8 տարիների ընթացքում Վրաստանի իշխանությունները նման ռեալ հակառակորդ, նման ընդդիմություն չէր ունեցել: Այս մասին հոկտեմբերի 2-ին կայացած ասուլիսի ժամանակ հայտնեց վրացագետ Ջոնի Մելիքյանը` հավելելով, որ ամեն ինչ սկսվեց դեռ անցյալ տարվա հոկտեմբերից, երբ վրացի միլիարդատեր Բիձինա Իվանաշվիլին մտավ Վրաստանի ներքին քաղաքականություն:«Ընդդիմադիր «Վրացական երազանք»-ն առաջատար է ընտրություններում»,- «Արմենպրես»-ի հաղորդմամբ` հայտնեց Մելիքյանը` շեշտելով, որ ընդդիմությունը ձայների մեծ թիվ է հավաքել Թբիլիսիում, իսկ իշխանությունները` հիմնականում այն տարածքներում, որտեղ կան էթնիկ փոքրամասնություններ:
«Այսպիսի ընտրությունների Վրաստանում ոչ ոք չէր սպասում: Իվանաշվիլու հաղթանակի հիմնական գործոնը ժողովրդի դժգոհությունն էր իշխող կուսակցությունից, Իվանաշվիլին և նրա կուսակցությունն այլընտրանք էին Վրաստանի համար»,-մեկանաբնեց վրացագետը:
Անդրադառնալով Իվանաշվիլու միլիարդների գործոնին` վրացագետը գտավ, որ, անշուշտ, դրանք իրենց դերը պիտի խաղացած լինեն` շեշտելով, սակայն, որ Իվանաշվիլին 77 մլն դոլարի տուգանք է մուծել, բայց ուժեղ է եղել նաև դրսի ազդեցության գործոնը: