ՄԻՊ գրասենյակը 37 ահազանգ է ստացել ՏԻՄ ընտրությունների ժամանակ

ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Հանրապետության տարբեր մարզերում սեպտեմբերի 9-ին այացածտեղական ինքնակառավարման մարմինների ընտրությունների ժամանակ ՀՀ մարդու իրավունքների պաշտպանի արագ արձագանքման 116 թեժ գիծը, ինչպես նաև մարզային գրասենյակներն աշխատել են շուրջօրյա։ Ինչպես«Արմենպրես»-ին տեղեկացրին ՄԻՊ գրասենյակից, ընտրախախտումների վերաբերյալ Պաշտպանի երևանյան և մարզային գրասենյակները ստացել են37ահազանգ, այդ թվում`Շիրակի մարզ11ահազանգ,8արագ արձագանքում,Լոռու մարզ՝25ահազանգ,7արագ արձագանքում,Սյունիքի մարզ՝1ահազանգ:

Ստացված ահազանգերը հիմնականում վերաբերել են հետևյալ ընտրախախտումներին՝ ընտրողների անձնագրերում դրված դրոշմակնիքների սահմանված ժամկետից շուտ անհետացման կամ ընդհանրապես չանհետացման (5ահազանգ), ընտրությունների ընթացքում անձանց կողմից ընտրատեղամաս մուտք գործելու խոչընդոտում (3ահազանգ), քաղաքացիներին տեղամասային կենտրոններ անվճար տեղափոխելու (7ահազանգ), ընտրակաշառքի բաժանման կամ ընտրակաշառքի խոստումների (1ահազանգ), տեղամասային կենտրոնում գտնվելու իրավունք չունեցող անձանց կողմից կենտրոն մուտք գործելու (2ահազանգ), տեղամասային կենտրոնների դիմաց օրենքով սահմանված կարգի խախտումով կուտակումների և ընտրական քարոզչության իրականացման (15ահազանգ) և այլ դեպքեր (4ահազանգ)։

Այսխնդիրները հանդիպել էին նաև 2012թ-ի մայիսի 6-ի ՀՀ Ազգային Ժողովի ընտրությունների ժամանակ, որոնց Պաշտպանը մանրամասնորեն անդրադարձել էր իր արտահերթ զեկույցում և առաջարկել խնդիրների համակարգային լուծումներ։

Ստացված ահազանգերը գտնվում են ուսումնասիրության փուլում, որից հետո կհարուցվեն համապատասխան վարույթներ։