ՀՀԿ-ն կընդունի Շուշան Պետրոսյանի անդամակցության դիմումը
1 րոպեի ընթերցում
![ՀՀԿ-ն կընդունի Շուշան Պետրոսյանի անդամակցության դիմումը](http://armenpress.am/resized/480/static/news/b/2012/03/683668.jpg)
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Երգչուհի Շուշան Պետրոսյանի հնարավոր անդամակցությունը Հայաստանի Հանրապետական կուսակցությանը ՀՀԿ մամուլի քարտուղար Էդուարդ Շարմազանովըդրական է գնահատում: Ինչպես «Արմենպրես»-ի հետ զրույցում նշեց Շարմազանովը, Պետրոսյանն այն երգչուհիներից, ում համար հայրենիքի ճակատագիրը մեկ չի եղել: «Նա միշտ հետաքրքրված է եղել Հայաստանով, ինչպես նաեւ երգացանկում գերակշռել է հայրենիքի մասին երգերը:Կուսակցությունն, ամենայն հավանականությամբ, կընդունի երգչուհու անդամակցությունը, քանի որ չեն գտնվի այնպիսի մարդիկ, որոնք դեմ կլինեն»,-ասաց Շարմազանովը:
Անդրադառնալով այլ երգիչ-երգչուհիների անդամակցությանը` Շարմազանովը նշեց, որ ճիշտ չէ դեռեւս խոսել այն մարդկանց մասին, որոնք չեն հրապարակում իրենց անունները: