388.4
Կարեն Բեքարյանի կարծիքով` Հարավային Կովկասի տարածաշրջանը շոտլանդական խնդրից հանդուրժողականություն պետք է սովորի
1 րոպեի ընթերցում
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Շոտլանդիայի անկախության հարցը մտորելու տեղիք կտա Հարավային Կովկասի տարածաշրջանի բոլոր երկրների ղեկավարներին և հասարակություններին: Ինչպես հաղորդում է «Արմենպրես»-ը, փետրվարի 22-ին կայացած ասուլիսում նման տեսակետ հայտնեց «Եվրոպական ինտեգրացիա» հասարակական կազմակերպության ղեկավար, քաղաքագետ Կարեն Բեքարյանը:
«Եթե Շոտլանդիան անկախանա հանրաքվեի արդյունքում, ես համոզված եմ, որ որևէ բախում, անհամաձայնություն չի լինելու, քանի որ Շոտլանդիայում կարևորը ժողովրդի կարծիքն է, նրա ձայնը»,- նշեց Բեքարյանը:
Համեմատականներ անցկացնելով մեր տարածաշրջանում առկա խնդիրների հետ` քաղաքագետը նշեց, որ Անգլիա-Շոտլանդիա հարաբերություններից մեր տարածաշրջանում պետք է սովորեն հանդուրժողականություն:
«Առիթ ենք ունեցել շփվելու Շոտլանդիայի խոշոր հինգ կուսակցությունների հետ, որոնցից երկուսը կողմ են Շոտլանդիայի անկախությանը, երեքը` դեմ: Սակայն հետաքրքիրն այն է, որ որևէ կոնֆլիկտ, անհանդուրժողական մթնոլորտ չենք արձանագրել»,- ընդգծեց քաղաքագետը։
Բաժանորդագրվեք մեր ալիքին Telegram-ում
