1 րոպեի ընթերցում
ԱՇՏԱՐԱԿ, 18 ՓԵՏՐՎԱՐԻ, ԱՐՄԵՆՊՐԵՍ: Հայաստանի Հանրապետական կուսակցության նախընտրական ծրագրի կարեւորագույն դրույթներից մեկը տարածքային համաչափ զարգացումն է: Ինչպես հաղորդում է «Արմենպրես»-ը, Աշտարակում ՀՀԿ տեղի ներկայացուցիչների հասարակական ակտիվ զանգվածի եւ մտավորականության հետ հանդիպման ժամանակ այս մասին նշեց ՀՀԿ գործադիր մարմնի անդամ, վարչապետ Տրգրան Սարգսյանը:
«Ներկայում ՀՀ քաղաքացիները լքում են մարզերը' աշխատանք որոնելու կամ ապրելու հարմարավետ պայմաններ գտնելու նպատակով: Տարածքային համաչափ զարգացումը մեզ համար ունի քաղաքական բովանդակություն: Մարզային տարածքների զարգացման տեմպերը Երեւանի համեմատ պետք է լինեն առաջանցիկ, կապիտալ ներդրումներն առաջին հերթին պետք է ուղղվեն մարզեր»,- ասաց Սարգսյանը: Նրա խոսքով' գյուղում ապրելը քաղաքացու համար կլինի հարմարավետ: