Բուհերի ռեկտորները, մերժելով «Գագիկ Ծառուկյան» հիմնադրամին, զերծ մնացին քաղաքական շահարկումներից. ԿԳ նախարար
1 րոպեի ընթերցում
![Բուհերի ռեկտորները, մերժելով «Գագիկ Ծառուկյան» հիմնադրամին, զերծ մնացին քաղաքական շահարկումներից. ԿԳ նախարար](http://armenpress.am/resized/480/static/news/b/2011/11/669117.jpg)
ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Պետական բուհերի ռեկտորները, մերժելով «Գագիկ Ծառուկյան» հիմնադրամին' ուսանողներին անվանական կրթաթոշակների հատկացման հետ կապված, իրենց պահել են որպես պետության ներկայացուցիչ, որը քաղաքական շահարկումների տեղիք չպետք է տա: Այսօր լրագրողների հետ զրույցում այս մասին նշեց ՀՀ կրթության եւ գիտության նախարար Արմեն Աշոտյանը' մեկնաբանելով որոշ բուհերի ռեկտորների կողմից անվանական կրթաթոշակներ նշանակելու' Գագիկ Ծառուկյանի առաջարկի մերժումը:
Նախարարի խոսքով' անվանական թոշակներ բուհերում կարող են տրամադրվել պետական կառավարման լիազոր մարմնի թույլտվությամբ, այսինքն' կրթության եւ գիտության նախարարության, իսկ Աշոտյանի վստահեցմամբ' իրենց ոչ-ոք նման բանակցային առաջարկություն չի արել: